Къэбар гухэк1.

Шышъхьэ Тамарэ идунай ыхъожьыгъ. 1992 — 2008 илъэсхэм ар «Ны Хасэм» ипэщагъ. Хэгъэгумк1э анахь охътэ къинхэм ар тефагъ ык1и Шышъхьэ Тамарэ унэгъо пчъагъэмэ 1эпы1эгъу афэхъугъ. Заохэр зыщык1ощтыгъэхэ Чэчэным, Абхъазым пчъагъэрэ к1уагъэ, ащ щы1э дзэк1ол1хэм 1эпы1эгъу афищэщтыгъ.Къин хэфыэгъэ ц1ыфхэм ренэу адэ1эпы1эщтыгъэ. 

Шышъхьэ Тамарэ 1офэу ыш1эрэм, игупык1, иш1уш1агъэ уасэ фаш1ыгъ. Бгъэхалъхьэу «Адыгеим и Щытхъузехь» фагъэшъошагъ, Абхъазым иорденэу «Ахьдз-Апша» зыфи1оу я III степень зи1эр, бзылъфыгъэхэм ясоюз ибгъэхалъхьэхэр ащ къылэжьыгъэх. Ау анахь шъхьа1эр ц1ыфхэм ш1улъэгъуныгъэу, шъхьэк1эфэныгъэу фаш1ыгъэр ары.