Концертнэ залэу «Налмэсыр» агъэк1эжьыгъ

Концертнэ залэу «Налмэсыр» агъэк1эжьыгъ. Ащ щы1агъ АР-м ил1ышъхьэу Къумп1ыл Мурат. Пчэгур, остыгъэхэр, макъэр, т1ысып1эхэр, къэшъуап1эхэр — джы зэк1эри къэралыгъом иконцерт гупчэ анахь дэгъухэм афэдэу гъэпсыгъэ. Зал инэу хэтым нэбгырэ 888 ч1эфэщт, зал ц1ык1ум т1ысып1и 171 и1. Концерт гупчэм ич1эхьап1э щегъэжьагъэу анахь шэпхъэш1ухэм адиштэу хъугъэ.

 

 

Мы концертнэ залыр мебелыш1 фабрикэу «Дружба» культурэмк1э иунэу 1953 илъэсым къызэ1уахыгъагъ. Ык1и мы уахътэм щегъэжьагъэу фэдэ гъэцэк1эжьын зык1и щаш1ыгъэп. Джы концерт залэу «Налмэсым» къэгъэлъэгъонхэр къыщатынхэу падзэжьыщт. Республикэм ихъызмэтш1эп1э анахь инхэм ащыщэу «Кратонтарэм" имэфэк1 жъоныгъуак1эм ык1эм ащ щыхагъэунэфык1ыщт. Мэкъуогъу мазэм «Налмэсым» икъэгъэлъэгъон мыщ щык1ощт. Джащыгъум зэхъок1ыныгъэхэр зэк1эми янэрылъэгъу хъущтых.