Ныбжьыкlэхэм яун

 «Адыгеим иныбжьыкlэхэр» — фэдэ гупчэ охътэ благъэхэм Мыекъуапэ къыщызэlуахыщт. Къалэм игупчэ шъыпкъэм ар итыщт ыкlи зычlэтыщт унэри тарихъ псэупlэу щыт, 1910-рэ илъэсым ашlыгъагъ. Илъэс пчъагъэхэм кlэлэцlухэм апае цэ lэзапlэ мыщ чlэтыгъ, ащ ыуж гъэцэкlэжьынхэр щашlыгъэх ыкlи мары ныбжьыкlэхэр джы щылэжьэщтых.

  Агъэцэкlэжьыгъэ закъоп, ищыкlэгъэ псэуалъэхэри ащэфыгъэх. Ныбжьыкlэ гупчэм конференциехэм апай зал, лэжьэпlэ унэхэр, гъэпсэфыпlэ, коворкинг хэтыщтых. lэгу зэтегъэпсыхьагъи мыщ иlэщт, ащ мастер-классхэр щызэхащэн алъэкlыщт, фильмхэр къыщагъэлъэгъощтых. Ныбжьыкlэ гупчэм пчэджыьым 8:00 щегъэжьагъэу пчыхьэм 23:00 нэс lоф ышlэщт. Проект зэфэшъхьафхэр, зэlукlэхэр, егъэджэнхэр мыщ ныбжьыкlэхэм щызэхащэн алъэкlыщт. Ныбжьыкlэ гупчэм щыlагъ АР-м илlышъхьэу Къумпыл Мурат, зэрэзэтегъэпсыхьагъэм, lофшlэнхэр зынэсыгъэм яплъыгъ.