Текlоныгъэшхом ия 80-рэ илъэс
1941 — 1945-рэ илъэсхэм щыIэгъэ Хэгъэгу зэошхом ТекIоныгъэр къызщыдахыгъэр мыгъэ илъэс 80 мэхъу. Ащ изыфэгъэхьазырын ыкlи изэхэщэн афэгъэзэгъэ комитетым зэхэсыгъо иlагъ. АР-м илIышъхьэ икоординационнэ гупчэ ар щыкIуагъ. ЖъоныгъуакIэм и 8-м республикэм ифилармоние мэфэкI зэхахьэр щыкIощт.
Гупчэ саугъэтым къэгъэгъэ блэрхэр жъоныгъуакIэм и 9-м кIэралъхьащтых. Ащ нэмыкIэу мы мэфэ дэдэм Мыекъопэ гарнизоным идзэкъулыкъушIэхэр, хэбзэухъумэкIо къулыкъухэм яIофышIэхэм ащыщхэр, юнармейцэхэр урамым къырыкIощтых, дзэ техникэм икъэгъэлъэгъонхэри зэхащэщтых. АР-м культурэмкIэ иминистерствэ 2025-рэ илъэсым Iофтхьэбзэ 600-м ехъу ыгъэнэфагъ.