Ленинград ишъхьафитныгъэ имаф

 Ленинград фашистхэр дафыжьхи, шъхьафит зашlыжьыгъэр непэ илъэс 81 хъугъэ. Мэфэ 872 — 1941-рэ илъэсым иlоныгъо мазэ и 8-м щегъэжьагъэу 1944-м ищылэ мазэ и 27 къалэр пыидзэхэм къауцухьагъэу щытыгъ. Ежь Ленинград изакъоп, Урысыемкlи анахь гугъэуз тарихъ хъугъэ-шlагъэхэм мыр ащыщ. Пыир къапэlутэу мафэ къэс цlыфхэр lофым кlощтыгъэх, лажьэщтыгъэх, Текlоныгъэм фэбанэщтыгъэх. Адыгеим щыщхэри Ленинград ишъхьафитныгъэ фэбэнагъэх, тичlыпlэгъу нэбгырэ 600 ащ щыфэхыгъ.