Тек1оныгъэм ия 80 илъэс ехъул1эу кушъхьэфачъэхэмк1э къызэпэчъагъэх

Тек1оныгъэм ия 80 илъэс фэгъэхьыгъэ зэпачъэ Тэхъутэмыкъое районым щызэхащагъ. Кушъхьэфэчъэ зэпачъэм нэбгырэ 280 хэлэжьагъ. Ахэмэ къуаджэу Тэхъутэмыкъуае игупчэ щырагъэжьагъ ык1и километрэ 20 къачъыгъ. 

  

К1эухым къызэсыхэм тек1оныгъэ зыхьыгъэхэри къэнэфагъ. Илъэс 53-рэ зыныбжь Бэгъушъэ Руслъан ары анахьыжъэу зэпачъэм хэлэжьагъэр. Анахь чанэу къыхагъэщыгъэр Александр Акопян иунагъу, зэшъхьагъусэхэм япшъэшъит1у ягъусэу зэк1э гъогуанэр къак1угъ.