Лъэпкъ проектым тетэу гъогу километрэ 50 Адыгеим щагъэцэк1эжьыгъ

Лъэпкъ проектэу «Щынэгъончъэ гъогу дэгъухэр» зыфи1орэм тетэу 2024 илъэсым Адыгэ Республикэм гъогу километрэ 50 к1ахьэу щагъэцэк1эжьыгъ ык1и зы лъэмыдж агъэк1эжьыгъ. Гъогурык1оныр щынэгъончъэнымк1э республикэ комиссием мы пчъагъэхэр къыща1уагъэх. Гъогухэм язэтегъэпсыхьан сомэ млрд 1,5 пэ1уагъэхьагъ. Ащ щыщэу сомэ млн 480 Мыекъуапэ ык1и Яблоновскэм  ягъогухэр шапхъэхэм адиштэу зэтырагъэпсыхьагъэх. Видео ык1и фото лъыплъэным пае республикэм игъогухэм камерэ 16 атырагъэуцуагъ. Хьылъэзещэхэм къащэчырэм иуплъэк1ун пае щэчалъэхэр Кощхьаблэ ык1и Тэхъутэмыкъуае районхэм ащагъэуцугъ.