Адыгеим щыщ врачхэр Абхъазым к1уагъэх

Урысыем псауныгъэм иухъумэнк1э иминистерствэ иунашъок1э Адыгеим щыщ врачхэр Абхъазым щы1эх, ащ щыпсэурэ к1элэц1ык1ухэр ауплъэк1у. Республикэ министерствэм мы къэбарыр къеты. 

Ткъош республикэм зэдэлэжьэныгъэу дыти1эм елъытыгъэу Адыгеим ик1ыгъэ врачхэм Абхъаз к1элэц1ык1ухэм япсауныгъэ изытет афауплъэк1у. Лъэныкъо зэфэшъхьафхэмк1э 1азэрэ докторхэр купым хэтых. Уплъэк1ун зэфэшъхьафхэр ахэм аш1ых, ищык1агъэ хъугъэ узым зэре1эзэщтыхэри афагъанэфэщт. 

Гудаутскэ ык1и Сыхъум районхэм ащыпсэурэ сабый 80 япсауныгъэ изытет ауплъэк1угъах. К1элэц1ык1ухэм япсауныгъэ изэгъэш1энк1э медицинэ гупчэм и1офыш1эхэм ягъусэхэу Адыгеим ик1ыгъэ врачхэр Абхъазым щэлажьэх.