Мэщбэш1э Исхьакъ имэфэк1 къэблагъэ

Урысыем ил1ыхъужъэу, лъэпкъым итхэк1ошхоу Мэщбэш1э Исхьакъ ыныбжь жъоныгъуак1эм и 28-м илъэс 95-рэ  хъущт. Ащ ихэгъэунэфык1ын тегъэпсыхьэгъэ зэхэщэк1о купым зэхэсыгъо и1агъ. Республикэм ил1ышъхьэу Къумп1ыл Мурат ащ хэлэжьагъ.

Мэщбэш1э Исхьакъ апэрэ тхак1оу Урысыем ил1ыхъужъыц1э къыфагъэшъошагъ, игъаш1эм лъэпкъым фэлажьэ, ащ итхыгъэхэм адыгэм итарихъ уагъаш1э. Ык1и имэфэк1 мафэ зэрифэшъуашэу хагъэунэфык1ынэу щыт. Зэнэкъокъухэр, литературнэ пчыхьэзэхахьэхэр, сурэт гъэлъэгъонхэр, концертхэр ык1и театральнэ къэгъэлъэгъонхэр агъэнафэхэрэм ащыщых. Джащ фэдэу Мэщбэш1э Исхьакъ итхыгъэхэм атехыгъэ мэфэк1 концерти зэхащэнэу щыт.