Афыпсыпэ фэгъэхьыгъэ тхылъ къыдэк1ыгъ

Афыпсыпэ фэгъэхьыгъэ тхылъэу Шъэумэн Хьазрэт иш1уагъэк1э къыдагъэк1ыгъэм лъэпкъ театрэм лъэтегъэуцо щыфаш1ыгъ. Тхылъыр томи 2 мэхъу ык1и шапсыгъэ къуаджэу Афыпсыпэ икъэбар зэк1э ащ къыщы1отагъ. Илъэси 160-м чылэм къык1угъэ гъогур мы тхылъхэм къащатхыжьыгъ, сурэтхэмк1и агъэбаигъ. 

 

Тхылъым изэхэгъэуцон илъэси фэдизрэ пэлъыгъэх. Сурэтыжъхэм якъэгъотын изакъоп, хъугъэ-ш1агъэхэм якъэугъоижьыни охътабэ ыхьыгъ. 

Афыпсыпэ фэгъэхьыгъэ тхылъым нэбгырэ заулэ дэлэжьагъ. Ахэр Шъэумэн Щамсэт, Елена Еханина, Барцо Рустам. Ящэнэрэ томри мыхэм къак1элъык1он зэралъэк1ыщтыр ахэм къыхагъэщыгъ.