Унэ ащэфынэу сертификатхэр аратыгъэх

Адыгеим щыпсэурэ унэгъо ныбжьык1и 9 правительствэм иунэ рагъэблэгъагъэх. Ахэмэ л1ышъхьэу Къумп1ыл Мурат псэуп1э ащэфыным пае сертификатхэр аритыжьыгъэх.

Зэк1э республикэм ич1ып1эхэм ащыщ унагъохэр мы программэм хэфагъэх. Ахэр: Покидькохэр (Мыекъуапэ), Напц1экъохэр (Адыгэкъалэ), Францевхэр (Джэджэ район), Батышэхэр (Кощхьэблэ район), Гъубжьэкъохэр (Красногвардейскэ район), Рыльцевхэр (Мыекъопэ район), Къэлэкъутэкъохэр (Тэхъутэмыкъое район), 1эшъынэхэр (Теуцожь район), П1атыкъохэр (Шэуджэн район).

2025 илъэсым псэуп1эхэр ащэфынхэм пае унэгъо ныбжьык1э 98-рэ фэдэ сертификатхэр арытыщтых. Ахэм ащыщэу 43 унэгъо 1ужъух. Мы 1офыр къэралыгъо программэм иш1уагъэк1э агъэцак1э, ащ сомэ млн 243 мыгъэ пэ1уагъэхьащт. 2006 илъэсым щегъэжьагъэу программэр мэлажьэ, ащ щегъэжьагъэу унэгъо ныбжьык1э 2698 псэуп1э сертификатхэр аратыгъэх.