Журналистикэм ылъэныкъокlэ АР-м илlышъхьэ итынхэр афагъэшъошагъэх

 Журналистикэм ылъэныкъокlэ Адыгеим илlышъхьэ ишlухьафтын къэзылэжьыгъэхэр республикэм иправительствэ зычlэт унэм рагъэблэгъагъэх ыкlи къалэжьыгъэ тынхэр аратыжьыгъэх. Къэбар лъыгъэlэс амалхэм зэкlэ япащэхэр, ялlыкlохэр мы зэхэхьэм хэлэжьагъэх.  2024-рэ илъэсымкlэ журналистикэм ылъэныкъокlэ АР-м илlышъхьэ итын къалэжьыным пае зэнэкъокъум lофшlэгъэ 19 къагъэхьыгъ. Красногвардейскэ районым иредактор шъхьаlэу Ирина Ковалевэм гъэзэт тхыгъэхэм алъэныкъокlэ текlоныгъэ къыдихыгъ. Теле-, радиокъэтынхэмкlэ лlышъхьэм итын зыфагъэшъошагъэр КъТРК «Адыгеим» иlофышlэхэр ары. Къэтынэу «Дэхэбэным» зыгъэхьазырыгъэ журналистэу Нэгъэрэкъо Саниет, телеоператорэу Владислав Балабась, видеоинженерэу Цыргъой Мариянэ къыхагъэщыгъэх.