Джыри къэбар гухэк1.
Режиссерэу Хьак1эгъогъу Къэсэй дунаим ехыжьыгъ.
Хьак1эгъогъу Къэсэй 1949 илъэсым щылэ мазэм и 30 Тэхъутэмыкъуае къыщыхъугъ. Театрэм, музыкэм ык1и кинематографием якъэралыгъо институт Ленинград щеджагъ. Адыгеим, Краснодар краим, Темыр Осетием ятеатрэхэм режиссер шъхьа1эу ащылэжьагъ. Къэгъэлъэгъонэу ыгъэуцухэрэм яш1уагъэк1э ыц1э чыжьэу 1угъэ — Красндар, Налщыч, Владикковказ, Сыхъум спектакльхэр ащигъэуцугъэх. РСФСР-м искусствэхэмк1э изаслуженнэ 1офыш1 — фэдэ щытхъуц1э Хьэк1эгъогъу Къэсэй къыфагъэшъошагъ.
Владикавказ дэт Урыс драматическэ театрэм ирежиссер шъхьа1эу 1989 илъэсым агъэнэфагъ. Культурэмк1э ык1и хэутын 1офхэмк1э АР-м иминистрэу 2003 — 2005 илъэсхэм 1оф ыш1агъ. Лъэпкъ театрэу Цэй Ибрахьим ыц1э зыхьырэм 2016-2021 илъэсхэм ихудожественнэ пэщагъ. Лъэпкъ театрэм идышъэ к1эн хэхьэгъэ спектакль пчъагъэ Хьэк1эгъогъу Къэсэй ыгъэуцугъ. ык1и ахэр к1эн лъап1эу къэнагъэх.