Зек1о клуб агъэпсыщт

Адыгэ къэралыгъо университететым иколледж ипроектэу «Зек1о клубэу «Фыщт» ыгъэхьазырыгъ ык1и зэнэкъокъоу «Спортыр зэк1эхэм апай» зыфи1орэм ащ тек1оныгъэ къыщыдихыгъ. Владимир Потаниным мысатыу ифонд ар иш1уш1э программэхэм ащыщ. Проектыр агъэцэк1эным пае сомэ млн 4,6 къыдыхэлъытагъ.

Мы зэнэкъокъум хэлэжьэнхэм пае тхылъ 1049 къагъэхьыгъ, ахэмэ ащыщэу проект 63 къахахыгъ.

Мыекъопэ къэралыгъо гуманитарнэ-техническэ колледжым зек1о клубэу «Фыщт» ыгъэпсыщт, илъэс 13 – 17 зыныбжь к1элэеджэк1уи 120 ащ щагъэсэщт.

Лъэс зек1оным иш1ык1эхэр, апэрэ 1эпы1эгъу сымаджэ хъугъэм узэрэфэхъущтыр, ч1ыопсым гъэпсык1эу и1эхэр, щынэгъо ч1ып1эхэм укъызэрахэк1ыжьыщтыр мы клубым къак1охэрэм зэрагъэш1эщт. Ахэр мэзэ 12 еджэщтых ык1и яегъэджэн зек1о инк1э аухыщт.