Экстремизмым пэш1уек1огъэнхэм Теуцожь районым щытегущы1агъэх

Терроризмым пэш1уек1орэ комиссием изэхэсыгъо къуаджэу Пчыхьэл1ыкъуае щык1уагъ. Мэхьанэ зи1э 1офыгъуитф ащ щызэхафыгъ. Терроризм ык1и экстремизм нэшанэхэр зыхэлъ хъугъэш1агъэхэр къэмыгъэхъугъэнхэр, ахэм ныбжьык1эхэр ащыухъумэгъэнхэм тегущы1агъэх. Зэхэсыгъом хэлэжьагъэхэм къызэрэхагъэщыгъэмк1э, мыхъомыш1агъэхэм ныбжьык1эхэр ары псынк1эу ахэщагъэ хъугъэр ык1и ахэм мы лъэныкъомк1э 1оф адэш1эгъэным мэхьэнэ ин и1.