Къумалхэм гъусэ шъуафэмыхъу

Аллахьым е1о: «Къумалхэм гъусэ шъуафэмыхъу, ныбджэгъу шъумыш1ых. Ем зыщаухъумэным, къумалхэм къапкъырык1ырэ мыхъо-мышы1агъэр къалъымы1эсыным пае Тхьэм ащ фэдэу е1о. Джырэк1э пц1ыр тыди щы1, зым къыгурымы1оу пц1ы еусы, адырэм ыш1эзэ егъапц1эх. Ыш1э пэтзэ пц1ы зыусырэр Аллахьым фэшъыпкъэп, ащ фэдэ ц1ыфыр къумал!

Гухэк1 нахь мыш1эми тэри ащ фэдэ ц1ыф къытхэк1ыгъ. Зэк1эми тпсэ щыщ адыгэ ч1ыгум зэгорэм фэшъыпкъагъ, ау джы гъэпц1агъэк1э илъэпкъ хьэзаб хидзэнэу фай.

Зэгорэм Ягъэнэ Ибрахьим шъхьэк1эфэнагъэ зыфаш1ырэ ц1ыфыгъ, тэрэзэу зек1ощтыгъ, адыгэхэм ящык1агъэхэм ауж итыгъ, ау пэгагъэр ара, е ахъщэхэр ара къумалыныгъэм игъогу тыращагъ, идин, ич1ыгу, илъэпкъ ык1ыб къафигъэзагъ.

Джы Европэм щэпсэу, къэралхэр къек1ухьэх, Аллахьыми, хэтрэ быслъымэни къямык1ухэрэр зы1охэрэм 1аплъ арещэк1ы. Джы Ибрахьим зи1умэтыр Зеленскэр ары ык1и динш1ош1хъуныгъэ зи1эхэм къяджэ ащ пае зэонхэу. Иудейхэр ык1и Тхьэш1ош1хъуныгъэ зимы1эхэр ныбджэгъу фэхъугъэх, ахэм ясырынэ къыдэшъо.

Иудееу Нетаньяху быслъымэнхэр Палестинэм щегъэк1одых, иудееу Зеленскэм джа дэдэр Украинэ ч1ыгухэм ащеш1э, Ягъанэм зым дырегъаштэ ык1и адырэм исырынэ къыдэшъо.

Ау ежь ихьайнапэ ш1омак1, адырэ адыгэхэри ежь фэдэу къумал хъунхэу фай! Ащ пае ибысымхэм унашъоу къыфаш1ырэм тетэу быслъымэнхэм къяджэ 1ашэ аштэнышъ, Украинэм пае зэонхэу. Интернетми, политикэм пэблэгъэ ч1ып1э зэфэшъхьафхэми Ягъанэм игъэк1отыгъэу джэпсалъэхэр къащеш1ых. Ащ имэхьанэ Европэм ык1и Балканхэм ащыпсэурэ адыгэхэр зыхэхьащтыхэ «Адыгэ дзэ» зэхащэнэу ык1и нэужым урыс топхэм ык1и 1ашэхэм ахэр ач1адзэнэу ары.

Акъыл горэ зи1эм джырэк1э къыгурэ1о, Украинэм иш1оигъоныгъэ зи къэнэжьыгъэп, Зеленскэм иш1оигъоныгъэ закъохэр ары къэнагъэхэр. Джа Зеленскэм иунашъок1э СБУ иук1ак1охэм Киев дэтыгъэ Ислъам гупчэр зэхакъутагъ, ащ иунашъок1э Украинэм исхэм иудаизмыр ахалъхьэ, адырэ динхэр къаигъэ аш1ых.

Нэбгырэ пэпчъ ищы1эныгъэ фит, шъхьадж ежь зыфаер къыхехы ык1и ащ пае пшъэдэк1ыжь ехьы. Ич1ыгу, идин, илъэпкъ япц1ыжьынэу Ягъанэм хихыгъ.