Гъэпсэфып1эу «Лэгъонакъэ» иш1ын лъагъэк1уатэ
Псэолъэш1ынымк1э ык1и псэуп1э-коммунальнэ хъызмэтымк1э Урысыем иминистрэу Юрий Гордеевым ык1и Адыгеим ил1ышъхьэу Къумп1ыл Мурат Москва зэ1ук1эгъу щыря1агъ. Гъэпсэфып1эу «Лэгъонакъэ» епхыгъэ инфраструктурэм игъэпсын пае аш1ыщт псэуалъэхэм ахэр атегущы1агъэх. Ащ дык1ыгъоу къушъхьэ-пцыкъо псэуалъэхэм япроектхэм ягъэпсыни фежьагъэх. Ащ ыпэк1э 1офш1эн ин зэш1уахыгъ, ищык1эгъэ ушэтынхэр аш1ыгъэх.
Къумп1ыл Мурат къызэри1уагъэмк1э, федеральнэ 1эпы1эгъум иш1уагъэк1э гъэпсэфып1эм инфраструктурэ игъэпсынк1э республикэр лъык1отагъ. Джащ тетэу псэолъэш1ынымк1э ык1и псэуп1э-коммунальнэ хъызмэтымк1э Урысыем иминистерство иш1уагъэк1э автомобиль гъогоу Дахъо – къушъхьэтхэу Лэгъонакъэ агъэпсыгъ. Псым иещэл1энк1э, нэфынэр, газыр гъэпсэфып1э ч1ып1эхэм ящэл1эгъэнымк1э псэолъэш1 1офш1энхэр аш1ых.
Лъэпкъ проектым ык1и Адыгеим ипрограммэ хэушъхьафык1ыгъэхэм яш1уагъэк1э инфраструктурэр агъэпсы. Гъогу ык1и инженернэ инфраструктурэм сомэ млрд 10,3 пэ1ухьащт.