Улапэ зы мафэ щагъэк1уагъ

«Улап- адыгэ чlыгум ищыгъу» - фэдэ цlэ зиlэ зы мэфэ зекlо дэкlыгъо Адыгеим изекlозещэхэм къуаджэм щыряlагъ. АКъУ-м зекlонымкlэ ыкlи социальнэ технологиехэмкlэ ифакультет щеджэхэрэм ар зэхащагъ. Къоджэ зекlонымкlэ урысые зэнэкъокъоу къэралыгъом щырекlокlырэм ащ иеджакlохэр хэлажьэх ыкlи Улапэ щызэхащэгъэ экскурсиер ащ къыдхэлъытагъ. Апэрэу ар зэрагъэлъэгъугъэхэр зекlозещэхэу республикэм къихьэрэ хьакlэхэр шъолъырым нэlуасэ фэзышlыхэрэр ары.

Экскурсием къыхиубытэу ахэр Улапэ щыщ Алыбэрд Аминэт иунэ музей , Урысыем щыцlэрыlо хъугъэ адыгэ бжьыныфщыгъур зыщашlырэ хъызмэтшlапlэр зэрагъэлъэгъугъэх, Адыгеим имодельнэ тхылъеджэпlэ анахь дэгъоу Улапэ щылажьэрэм еблэгъагъэх.
 
Зекlозещэхэм алъэгъугъэр зэкlэ агу рихьыгъ. Республикэм илъэгуахэ lахьэ зекlоным зыщегъэушъомбгъугъэнымкlэ амалыкlэхэр къызфызэlуахыгъэх, зэдэлэжьэныгъэхэр агъэпытагъэх.