Адыгеим ык1и Индием япшъэрэ еджап1эхэр зэдэлэжьэщтых

Адыгэ къэралыгъо университетым къэблэгъэрэ илъэс еджэгъум Университетэу Шарда (Индиер) дэлэжьэнэу ригъэжьэщт. «Дунэе зэфыщытык1эхэр» - магистратурэм пае фэдэ программэмк1э ахэмэ 1оф зэдаш1эщт.

Дипломит1у программэмк1э илъэси 2 къык1оц1 рагъэджэщтых ык1и зэк1э десэхэр иджылызыбзэк1э къатыщтых. АКъУ-м апэрэу 1эк1ыбым щыщ студентхэр инджылызыбзэк1э щырагъэджэнхэу рагъэжьэщт. 2025 – 2026 илъэс еджэгъум Индием щыщ студентхэр аштэщтых, нэужым къэралыгъохэм ахагъэгъощт.

Магистратурэм къыч1эхьагъэхэм дунэе зэфыщытык1эхэр, дунэе политикэр, Урысыем ч1ып1эу ыубытырэр, тарихъыр, культурэр, дунаим изэгъэш1эн, зэпэуцужьхэм язэхэфын, дипломатиер арагъэш1эщтых.