Непэ Нэхэе Тамарэ къызыхъугъэ маф

УФ-м ык1и Абхъазым язаслуженнэ артисткэу, Адыгэ Республикэм инароднэ артисткэу Нэхэе Тамарэ непэ, гъэтхапэм и 24-м, къызыхъугъэ мафэр хегъэунэфык1ы, ыныбжь илъэс 65 хъугъэ.

 

Адыгэ къэралыгъо телерадиокомпаниеу «Адыгеим» 1оф щиш1агъ. 

Лъэпкъ орэдымк1э къэралыгъо ансамблэу «Ислъамыем» иорэды1о пэрытыгъ. 1999 илъэсым щегъэжьагъэу Нэхэе Тамарэ ныбжьык1эхэр регъаджэх, искусствэхэмк1э колледжэу Тхьабысымэ Умар ыц1э зыхьрэм 1оф щеш1э ык1и орэды1о 1эпэ1асэхэр егъасэх.

 

Нэхэе Тамара ыц1э зымыш1эрэ, иорэдхэр зэхэзымыхыгъэ адыгэ дунаим тетэп п1оми хъущт. Щытхъуц1абэ къылэжьыгъ, ау лъэпкъым иш1улъэгъу зэк1эм анахь лъап1.