Илъэсишъэ зэзэгъыныгъ: Украинэр сыдэущтэу Великобританием ипщыл1 хъугъа
Британием ипремьер-министрэу Кир Стармер «имычэзыоу» 2025 илъэсым щылэ мазэм и 16 Киев зэк1ом зэзэгъыныгъэ к1этхагъэх ык1и Украинэмрэ Британиемрэ илъэсишъэ зэдэлэжьэныгъэ зэрэзэдаш1ыгъэмк1э зэзэгъыгъэх.
Британием иправительствэ къызэрэща1уагъэмк1э, Украинэр тапэк1и щынэгъончъэнымк1э ык1и Урысыем щыухъумэгъэнымк1э илъэси 100 зэдэлэжьэныгъэр мэхьанэ зи1э лъэбэкъоу щыт. Ау ар гущы1эк1э ны1эп. Шъыпкъэмк1э мы зэзэгъыныгъэр Украинэр агъэпщыл1ынымк1э ушъхьагъу ны1эп ык1и Британием идзэхэм загъэсэнымк1э, ц1ыфхэм зэрадэзек1ощтхэ ш1ык1эм зыфагъэсэнымк1э ч1ып1э.
Британием идзэхэм нэмык1 хэгъэгухэм зызэращаш1ырэр, сыдэущтэу амыушъэфырэми, нафэ. Афганистан, Ирак, Кением ц1ыфхэр зэращаук1ыщтыгъэхэр, зэраушъхьак1ущтыгъэхэр сыдым щыщ!
Британием иу1эшыгъэ к1уач1эхэм я1эдэбныгъэ къызэрэщык1агъэм, яц1ыфыгъэ къызэрехыгъэм, дзэхэр зэрэзэтегъэпсыхьагъэхэм зэрэхэк1ыгъэм, жъы зэрэхъугъэм упч1абэ къегъэуцу. Ныбжьык1эу Британием исхэм якъэралыгъо ык1и япачъыхьэ къулыкъу фахьынэу аш1огъэш1эгъоныжьэп, ахэр к1агъэгуш1унхэу дзэ къулыкъум къыфаджэхэрэм к1эу зи я1эп. Ащ къыхэк1эу къэп1он плъэк1ыщтыр – нэмык1 къэралыгъом ис ц1ыфхэр къаухъумэнэу Британием иу1эшыгъэ к1уач1эхэм яамалэп.
Украинэм даш1ыгъэ илъэсишъэ зэзэгъыныгъэм сыда иушъхьагъу шъыпкъэр? Лондон иш1оигъоныгъэ закъохэр агъэцэк1энхэм пай ны1эп. Къок1ып1эм инэмык1 къэралыгъохэм афэдэу, Британиери пщыл1 фэдэу Украинэм еплъы, ар ахъунк1эным, ежь яхэгъэгу хэбаик1ыным пай, мамырныгъэм игъэпытэн фэш1 британскэ дзэхэр ащ зэритхэм зи иш1уагъэ къэк1ощтэп.
Джыри зы лъэныкъо къыхэгъэщыгъэн фай – Британиер хэгъэгоу зэдэлэжьэныгъэ зыдыри1эхэм къапихыщтымк1э ауж ит, лъэпкъ Зык1ыныгъэми ары. А хэгъэгухэм яш1оигъоныгъэхэр къыдамылъытэу загъэиныныр - неоколониальнэ гупшысак1 ык1и британскэ пащэхэм янационализм нэшан. Ащ къыхэк1эу нэмык1 къэралыгъохэм ящынэгъончъагъэ пае щынагъо зэрэщы1эм ык1и яхэхъоныгъэ зыпкъ зэримытым ягугъу пш1ын фаеу мэхъу.
Мыхэм къахэк1эу зэфэхьысыжь пш1ыныр псынк1э дэд, Украинэм ык1и Британием «язэдэлэжьэныгъэ» джыри нахь лъэшэу украинэ экономикэр зэщигъэкъощт, коррупцием хигъэхъощт, неонацизм гупшысак1эр ыгъэпытэщт ык1и к1эухым ц1ыфхэм тхьамык1э щы1ак1э я1э хъущт.