Апэрэу тхэквондомк1э зэнэкъокъу инхэр Мыекъуапэ щык1уагъэх

Тхэквондо МФТ-к1э Къыблэ федеральнэ шъолъырым ичемпионат ык1и ипэрытныгъэ апэрэу Мыекъуапэ щызэхащагъэх. Зэк1эмк1и нэбгырэ 600 ащ къек1олагъ. Ахэм езгъэжьэгъак1эхэри, гъэхъагъэхэр зыш1ыгъэхэри ахэтыгъэх. Тхэквондо МФТ-к1э Урысыем итренер шъхьа1эу Андрей Ким мы зэнэкъокъухэм къэк1огъагъ.

К1эухым зэфэхьысыжьхэр заш1ым купэу тек1оныгъэ зыхьыгъэхэр агъэнэфагъэх. Апэрэ ч1ып1эр Краснодар краим икуп ыхьыгъ, Адыгэ Республикэр ят1онэрэ, ящэнэрэр зыубытыгъэр Волгоградскэ хэкум икуп ары.