Нащэ Расул самбомк1э Урысыем ичемпионат щытек1уагъ

Самбомк1э Урысыем ичемпионат Краснодар щэк1о. Адыгеим щыщэу Нащэ Расул ащ дышъэ медаль къыщихьыгъ.

Зэк1эмк1и нэбгырэ 500 зэнэкъокъухэм ахэлажьэ, Урысыем ишъолъыр 66 ахэр къарык1ыгъэх. Къащэчырэм елъытыгъэу чемпионатым хэлажьэхэрэ хъулъфыгъэхэр ык1и бзылъфыгъэхэр гощыгъэх. Килограмм 71 нэс къэзыщэчыхэрэм Нащэ Расул ахэт. Мы купымк1э ят1онэрэ ч1ып1эр Свердловскэ хэкум щыщ Али Турсуновым ыхьыгъ. Ящэнэрэ ч1ып1эр Свердловскэ хэкум щыщ Эльдар Гаджиевым ык1и Москва къик1ыгъэ Шамиль Тюряевым зэдагощыгъ.

Тек1оныгъэ къэзыхьыгъэхэр нэмык1 зэнэкъокъухэм ахэлэжьэнэу амал агъотыщт. Джэрз медальхэр къэзыхьыгъэхэр самбомк1э Дунаим икубок хэлэжьэщтых. Ят1онэрэ ч1ып1эр зыубытыгъэхэр Европэ чемпионатым к1ощтых. Дышъэ медальхэр къыдэзыхыгъэхэр дунаим ичемпионат хэлэжьэщтых.