Гъомлэшк Анзор тыжьын медаль къыхьыгъ

Самбомк1э Урысыем ичемпионат джыри зы тек1оныгъэ Адыгеим къыфихьыгъ. Ар мы мафэхэм Краснодар щэк1о. 

 

Гъомлэшк Анзор чемпионатым ят1онэрэ ч1ып1эр къыщихьыгъ. Килограмм 64 къэзыщэчыхэрэм азыфагу Анзор щэбанэ. Европэм ичемпионат хэлэжьэнэу Гъомлэшк Анзор джы амал и1э хъугъэ. 

Анзор зыгъасэхэрэр Делэкъо Адамрэ Гъомлэшк Алыйрэ. 

 

Шъугу къэдгъэк1ыжьын, мы Урысые чемпионатым Адыгеим щыщ Нащэ Расул дышъэ медаль къыщихьыгъ.