Мэзаим и 21 ныдэлъфыбзэхэм ямаф

Ныдэлъфыбзэхэм ядунэе мафэ къыдыхэлъытагъэу Дунэе адыгэ хасэр, АР-м и Адыгэ хасэ ыкlи  гуманитар ушэтынхэмкlэ АР-м иинститут кlэщакlо зыфэхъугъэхэ шlэныгъэ конференцие Мыекъуапэ щыкlуагъ. 

«Глобализацием къыдыхэлъытагъэу ныдэлъфыбзэр ухъумагъэ зэрэхъущтыр, хэхъоныгъэу ышlышъущтыр: амалыкlэу ыкlи технологиякlэу щыlэхэр» - джары ащ зэреджагъэхэр. Адыгеим, КъБР-м, КъЩР-м, Абхъазым, Осетием, Къалмыкъым, Тыркуем, Израиль ыкlи Зэхэт Арап Эмиратхэм ащылажьэрэ шlэныгъэлэжьхэм, аспирантхэм ягупшысэхэр къаlотагъэх.